Беларусь адзіная!

17 верасня на плошчы горада раённая і дзіцячая бібліятэкі правялі пазнавальна-гульнявую праграму “У адзінстве – наша сіла!”, прысвечаную Дню народнага адзінства.

Бібліятэкар Таццяна Прадзялюк правяла віктарыну “Ведай свой край”, у якой з задавальненнем удзельнічалі малыя жабінкаўцы. А іх бацькі ў гэты час разам з бібліятэкарам Марыяй Пратасюк вывучалі выставу “Ты з Заходняй, я з Усходняй нашай Беларусі”, арганізаваную супрацоўнікамі раённай бібліятэкі, каб знайсці адказы на пытанні віктарыны “Гісторыя стала бліжэй” і зарабіць салодкія прызы.

Як бачыце, бібліятэка – гэта не толькі цікава і пазнавальна, але і смачна! Чытайце з задавальненнем!