«Быў іншы свет, было маё дзяцінства…»

27 лістапада ў Жабінкаўскай раённай бібліятэцы праведзены інфармацыйны пост «Быў іншы свет, было маё дзяцінства…», прымеркаваны да 90-годдзя з дня нараджэння беларускага пісьменніка Вячаслава Уладзіміравіча Адамчыка.

Ва ўтульнай зале сабраліся навучэнцы 11 «Б» класа ліцэя і іх класны кіраўнік Эліна Чарнецкая. Бібліятэкары Пратасюк Марыя і Цыбуля Валянціна распавялі юнакам і дзяўчатам аб асноўных вехах творчага і жыццёвага шляху знакамітага пісьменніка. Вядучыя звярнулі ўвагу прысутных, што Адамчыкі – творчая дынастыя, і пазнаёмілі з дзейнасцю Адама Глобуса і Міраслава Шайбака – сыноў Вячаслава Уладзіміравіча.

Для гасцей мерапрыемства праведзены агляд кніг Вячаслава Адамчыка і яго старэйшага сына Адама з фонду бібліятэкі, а некаторыя са сваіх твораў аўтары з дапамогай відэа прэзентавалі самі.

Да мерапрыемства падрыхтаваны віртуальная выстава з аднайменнай назвай і кніжная выстава «І скажа той, хто народзіцца…».