Дзень ведаў у дзіцячай бібліятэцы

1 верасня, у Дзень ведаў, у дзіцячай бібліятэцы адбыўся гістарычны экскурс «Адкуль кніга беларуская?», прысвечаны першаасветнікам Беларусі.

Арганізатары мерапрыемства прапанавалі гасцям – 6-му класу сярэдняй школы № 3 г. Жабінка – кароткі экскурс у гісторыю пісьменства. Вядучыя расказалі аўдыторыі пра няпросты жыццёвы шлях беларускіх асветнікаў: Кірылы Тураўскага, Міколы Гусоўскага і Францыска Скарыны.

Напрыканцы супрацоўнікі бібліятэкі павіншавалі шкаляроў з 1 верасня і пажадалі поспехаў у вучобе.