Дзяўчына, што прыносіць у свет дабрату

У красавіку свет пабачыў зборнік твораў “Жыла-была дзяўчынка” таленавітага юнага аўтара з вёскі Старое Сяло Вольгі Друшчыц, у падрыхтоўцы якога прынялі ўдзел супрацоўнікі аддзела бібліятэчнага маркетынгу Жабінкаўскай цэнтральнай раённай бібліятэкі.

Аўтар прабуе сябе ў розных жанрах: верш, казка, апавяданне, рэпартаж, нататка. Тэмы яе твораў разнастайныя: прырода, родны край, жыццёвыя каштоўнасці, бацькі, свя́ты і іншыя.

“Мая мэта ў жыцці – прыносіць людзям нешта цёплае і добрае, а таксама несці ў масы беларускую мову”, – сцвярджае Вольга.

Зборнік прызначаны для шырокага кола чытачоў. Пазнаёміцца з ім можна ў чытальнай зале раённай бібліятэкі і ў Старасельскай сельскай бібліятэцы.

Дакраніцеся да цудоўнага света літаратуры! Чакаем вас!