«И открылось мне вдруг, что Вселенная за каждой скрыта страницей…»

….Сегодня здесь те собрались,
Кто очень-очень любит жизнь.
Кто радость в ней нашёл искусно,
Стихами сотворять искусство.
Александр Левонюк 

26 сакавіка ў Жабінкаўскай раёнай бібліятэцы адбыўся бібліяквартэрнік «Радкоў залаты россып…», прымеркаваны да Міжнароднага дня паэзіі, які адзначаецца 21 сакавіка.

Ва ўтульнай зале сабраліся аматары і служыцелі крылатага Пегаса. Мерапрыемства адкрылі ўрачыстыя радкі Л. Антоні «День Поэзии – это праздник!» у выкананні вядучай Марыі Пратасюк. Госці даведаліся пра гісторыю ўзнікнення свята, першыя вершы і іх аўтарку – акадскую прынцэсу Энхедуану.

Прысутныя пазнаёміліся с творчымі работамі супрацоўнікаў бібліятэкі – відэадэкламацыяй вершаў Марыны Цветаевай і Канстанцыі Буйло, чые юбілеі таксама святкаваліся ў бібліятэцы.

Паэтычны блок свята адкрыў паэт і музыкант Вячаслаў Фядотаў. У яго выкананні прагучалі гімн паэзіі «Арсенал», верш-прысвячэнне Жабінкаўскай школе мастацтваў «Оркестру» і верш-бяседа з Сяргеем Ясеніным, які, дарэчы, з’яўляецца любімым аўтарам Вячаслава Яўгеньевіча.

Калі вы шукаеце спосаб праводзіць разам больш часу з сям’ёй, квартырнік – менавіта тая форма творчасці, якая аб’ядноўвае пакаленні, так Аляксандр Рыб’якоў прыйшоў з жонкай і ўнучкай. Аляксандр Нікалаевіч падзяліўся сваімі меркаваннямі аб тым, што павінна слухаць моладзь і праспяваў рамансы і песні на вершы Сяргея Ясеніна і Аляксандра Вярцінскага. Унучка Лідзія Дубовік, вучаніца 5 «Б» класа СШ № 3, адказала майстарскі выкананым пад гітару трэкам Валянціна Стрыкала «Наше лето», які з захапленнем падхапіў увесь зал.

Настаўніца Жабінкаўскай школы мастацтваў Юлія Аляксандраўна Мендзель прыйшла на свята разам з дачкой Аляксандрай. Любімы паэт Аляксандры – «цёзка» Аляксандр Пушкін, урывак з верша якога «Казка пра цара Салтана» яна і прадэкламавала прысутным.

У выкананні Юліі Мендзель прагучалі песні «Там нет меня» на вершы сучаснага расійскага паэта-песенніка Паўла Жыгуна і «Па-над белым пухам вішняў» на вершы Максіма Багдановіча.

Плаўна працягваючы «беларускую лінію» вечарыны, на імправізаваную сцэну выйшаў вядомы жабінкаўскі паэт, пісьменнік і даўні сябра бібліятэкі Расціслаў Бензярук. Маэстра прадставіў публіцы верш «Святыня» і трыпціх «Паэт як прарок».

Яшчэ адзін сябар кніжнай справы, прадпрымальнік і паэт Аляксандр Леванюк прэзентаваў верш «Насколько крылата твоя душа». Творчасць Аляксандра Уладзіміравіча прадстаўлена і на сайце бібліятэцы ў рубрыцы «Проба пяра».

Не першы раз наведвае бібліятэчныя мерапрыемствы і гітарыст Мікалай Сасноўскі. Мікалай Васільевіч падзяліўся з прысутнымі сваімі меркаваннямі аб значэнні паэзіі і творчасці ў жыціі чалавека і выканаў песні «Незабудка» і «Песня о звездах».

За цудоўныя фотаздымкі, якімі аформлены гэты артыкул, квартырнік «дзякуе» яшчэ аднаму візіцёру – пісьменніку і журналісту Аляксею Ганчуку. Але на гэты раз Аляксей Іванавіч выступаў не толькі ў ролі фатографа, але і прадставіў публіцы вершы са свайго зборніка «Берагі».

А завяршылася святкаванне Міжнароднага дня паэзіі сапраўдным цудам – нараджэннем новага верша, які Вячаслаў Фядотаў напісаў за час мерапрыемства і тут жа прэзентаваў гасцям.

Наведвайце бібліятэку – тут Вас чакаюць не толькі цікавые кнігі, але і сапраўднае творчае натхненне. Чытайце з задавальненнем!