Ластаўка зняверанай зямлі…

20 лістапада споўнілася 75 год з дня нараджэння беларускай паэткі, “палескай ластаўкі” Яўгеніі Іосіфаўны Янішчыц. З гэтай нагоды ў чытальнай зале раённай бібліятэкі прайшло свята кнігі “А ўсё таму, што родам з лістападу…”, на якое завіталі вучні 7 “Б” класа СШ № 3 г. Жабінка разам са сваім класным кіраўніком Ірынай Барысаўнай Істнай.

Вядучыя Валерый Рэмеш і Галіна Дулевіч пазнаёмілі прысутных з творчым і жыццёвым шляхам Яўгеніі Янішчыц, якая яшчэ пры жыцці здабыла аўтарытэт і атрымала прызнанне не толькі ў Беларусі, але і далёка за яе межамі. У выкананні Алены Радкевіч прагучалі вершы паэтэсы. Аздобілі свята электронная прэзентацыя з аднайменнай назвай і песні “І тчэ жыццё гады…”, “Бэз апаў”, “Ты пакліч мяне, пазаві…”, “Старана мая азёрная” на словы Яўгеніі Іосіфаўны.