Мелодыю мовы славянскай я чую..

20 лютага ў Ленінскай сельскай бібліятэцы прайшла літаратурна-музычная кампазіцыя “Мелодыю мовы славянскай я чую..”, прымеркаваная да 140-годдзя з дня нараджэння Янкі Купалы і Якуба Коласа.

Пад напевы цымбал урачыста прагучалі ўступныя словы вядучых і радкі верша У.Някляева “Дарагія імёны”. Відэапрэзентацыя нагадала прысутным найбольш значныя моманты з жыцця і мастацкай біяграфіі беларускіх песняроў. Удзельнікі мерапрыемства з задвальненнем паглядзелі урывак з п’есы Я.Купалы “Паўлінка”, выказалі свае меркаванні наконт галоўнай ідэі гэтага твора. Яркі дыспут на тэму любоўнай лініі у лірыцы Я.Купалы і востра сацыяльных тэм творчасці Я.Коласа дазволіў наведвальнікам бібліятэкі прадэманстраваць веды і інтэллект, адчуць сябе сапраўднымі літаратурнымі крытыкамі.

Свята завяршылася вершаваным “падарункам” ад Янкі Купалы – напамінам аб тым, што “без кахання шчасця, долі няма на зямлі” з верша “Пакахай мяне, дзяўчынка...”.

Да мерапрыемства падрыхтавана кніжная выстава з аднайменнай назвай.