Мова народа – яго святыня

Родная мова, цудоўная мова! 
Ты нашых думак уток і аснова! 
Матчын дарунак ад самай калыскі, 
ты самацветаў яскравая нізка.

                                    У. Дубоўка 

Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай.

Штогод 21 лютага ва ўсім свеце адзначаецца Міжнародны дзень роднай мовы (International Mother Language Day), які абвешчаны на 30-й сесіі ЮНЕСКА і штогод адзначаецца з 2000 года. Свята накіравана на заахвочванне моўнай разнастайнасці і шматмоўнай адукацыі, падтрымку нацыянальных моў і культур, захаванне нацыянальнай адметнасці і самабытнасці, забеспячэнне права кожнага чалавека карыстацца роднай мовай і спрыяе ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу.

Моўная разнастайнасць – велізарны здабытак спадчыны і непаўторны вынік творчасці чалавека. Мова забяспечвае непарыўную сувязь паміж мінулым, сапраўдным і будучыняй.

Да Міжнароднага дня роднай мовы бібліятэкі ДУК “Жабінкаўская районная цэнтралізаваная бібліятэчная сістема” праводзяць шэраг мерапрыемстваў, сярод якіх пазнавальныя гадзіны, турніры знаўцаў беларускай мовы, літаратурныя вечары і гульні, акцыі, ладзяцца кніжныя выставы.

Прапануем паглядзець віртуальную выставу “Чытаем па-беларуску”, падрыхтаваную Жабінкаўскай дзіцячай бібліятэкай, адрасаваную не толькі юнаму пакаленню чытачоў, але і іх бацькам. Чытаем разам!