Наша шчырая родная мова

20 лютага Жабінкаўская дзіцячая бібліятэка прыняла ўдзел у тематычнам свяце “Наша простае, шчырае слова – Беларуская мова”, прымеркаваным да Міжнароднага дня роднай мовы.

Мова – душа народа, векавая памяць многіх пакаленняў, наш галоўны нацыянальны скарб. Жыве мова – жыве народ.

Ва ўтульнай зале ДУА “Дзіцячы сад № 2 г. Жабінкі” гучалі песні, вершы і віншаванні ў выкананні дзяцей і ўдзельнікаў мерапрыемства. Актавую залу ўпрыгожыла падрыхтаваная супрацоўнікамі бібліятэкі тэматычная выстава “Ад літары да слова. Ад слова да мовы”, на якой выхавацелі і дзеці змаглі пазнаёміцца з навінкамі дзіцячай літаратуры, даведацца пра гісторыю развiцця i станаўлення роднай мовы. Усе кнігі выдадзены на беларускай мове, ілюстраваны, а галоўнае – даступны кожнаму, хто наведаецца ў дзіцячую бібліятэку, дзе далучыцца да роднага слова можа кожны наведвальнік.