Пісьменнік-грамадзянін

27 студзеня ў чытальнай зале Жабінкаўскай раённай бібліятэкі адбыўся вусны часопіс “Самы высокі паверх”, прысвечаны 100-годдзю з дня нараджэння беларускага пісьменніка Алеся Савіцкага, для навучэнцаў 10-х класаў гарадскога ліцэя і іх класных кіраўнікоў.

Прысутныя даведаліся пра асноўныя вехі жыццёвага і творчага шляху пісьменніка, з дапамогай відэароліка “завіталі ў госці” да юбіляра.

Вядома, што біяграфія пісьменніка – гэта яго творы. Таму, каб дакрануцца непасрэдна да самага сэрца, сэнсу і сутнасці творчасці Алеся Савіцкага, госці мерапрыемства арганізавалі дэкламацыю ўрыўкаў з яго раманаў.

Падрыхтаваная выстава “Палачанін на ўсё жыццё” пазнаёміла з багатай кніжнай спадчынай аўтара, прадстаўленай ў фондзе бібліятэкі.