Пісьменства – скарб народа

12 верасня ў Жабінкаўскай раённай бібліятэцы адбылася пазнавальная праграма “Пісьменства – скарб народа”, прымеркаваная да Дня беларускага пісьменства.

На мерапрыемстве прысутнічалі вучні 10-га класа школы-інтэрната з настаўніцай Уласюк Аксанай Мікалаеўнай. Госці падзяліліся на дзве каманды: “Бульбачкі” абрала ў якасці дэвіза выраз “Толькі сапраўдны беларус ведае толк у сапраўднай бульбе!”, а каманда “Лянота” выступала пад дэвізам “Праца – не для нас!”.

У першым туры “Лепш за ўсіх” каманды ўзгадвалі знакамітых беларусаў, дзякуючы якім наша краіна вядома на ўвесь свет. На этапе “Беларусьфільм не ўяўляе…” знаўцы адказвалі на пытанні, звязаные не толькі з кінастужкамі, знятымі гэтай кінакампаніяй, але і з фільмамі, у якіх прама ці ўскосна згадваецца Беларусь. Прысутныя з задавальненнем паслухалі музыку, выконваючы заданне раунда “Песні кода”, і адгадалі вядомые беларускія брэнды па частцы лагатыпу. У “Смаку беларускай мовы” каманды прадэманстравалі высокі ўзровень валодання роднай мовай, а ў вырашальным бліц-раундзе, прысвечаным беларускім пісьменнікам, каманды паказалі не толькі кемлівасць, але і хуткасць.

У напружанай інтэллектуальнай барацьбе перамагла каманда “Бульбачкі” з лікам 13:12, але бонусны бал ад вядучых, атрыманы камандай “Лянота” за крэатыўнасць, зраўняў рахунак. Перамагло сяброўства!