Прававы тыдзень у бібліятэцы

На працягу тыдня, з 13 па 16 сакавіка, у Жабінкаўскай раёнай бібліятэцы прайшоў цыкл мерапрыемстваў, прысвечаных Дню Канстытуцыі Рэспублікі Беларусь: урок грамадзянскасці “Звяраем жыццё па Канстытуцыі” і прававая гадзіна “Жыву ў Беларусі і тым ганаруся”.

Прававыя ўрокі наведалі вучні: 7-11 класаў Якаўчыцкай СШ з настаўнікам Скабуком У.Г., 10 “Б” і 11 класаў ліцэя з настаўніцамі Юрчук Г.В. і Чарнецкай Э.В., 8 “В” з настаўніцай Белых Т.А., 9 “В” з настаўніцай Мядзведзь М.А., 8 “Б” з настаўніцай Міхайлоць Л.С., 10 “Б” з настаўніцай Іпатавай М.А. СШ № 1 і 8 класа школы-інтерната.

На мерапрыемствах прысутныя даведаліся аб гісторыі ўзнікнення і развіцця Канстытуцыі, разгледзелі асноўныя палажэнні галоўнага прававога дакументу краіны. З дапамогай вядучых гледачы здзейснілі віртуальнае падарожжа: пабывалі на экскурсіі ў Магілёўскай ратушы, дзе захоўваецца Статут Вялікага Княства Літоўскага, “папрысутнічалі” ў зале пасяджэнняў Канстытуцыйнага суда Рэспублікі Беларусь.

Навучэнцы ўспомнілі свае правы і абавязкі, замацаваныя ў Канстытуцыі, і прадэманставалі свае веды, прыняўшы ўдзел у прававых віктарынах “Ці ведаеш ты закон?” і “За ці супраць”.

Па завяршэнні мерапрыемстваў прагучаў адказ на галоўнае пытанне – навошта вывучаць Канстытуцыю?

“Канстытуцыю трэба вывучаць, каб ведаць свае правы, выконваць свае абавязкі і быть годным грамадзянінам сваёй краіны”, – такі вывад зрабілі госці бібліятэкі.