А ўсё таму, што родам з лістападу

1 верасня супрацоўнікі цэнтральнай раённай бібліятэкі ладзілі свята кнігі “А ўсё таму, што родам з лістападу”, прысвечанае 75-годдзю выдатнай беларускай паэтэсы Яўгеніі Янішчыц, на якім прысутнічалі вучні 10-х і 11-х класаў гарадскога ліцея і 10 класаў СШ № 3.

Вядучыя Алеся Рамановіч і Валерый Рэмеш распавялі пра жыццёвы і творчы шлях “Палескай ластаўкі”, Галіна Дулевіч і Алена Радкевіч чыталі вершы Яўгеніі Іосіфаўны. Аздобіла свята электронная прэзентацыя з аднайменнай назвай.

Сапраўднай разынкай імпрэзы сталі песні на вершы Яўгеніі Янішчыц. Прагучалі кампазіцыі “І тчэ жыццё гады…”, “Бэз апаў”, “Ты пакліч мяне, пазаві…” у выкананні Марыны Манішка і Данііла Яўташука.

Да мерапрыемства падрыхтавана кніжная выстава “Непрыручаная птушка”, якая працуе да лістапада 2023 года. У раздзеле “Пражыла жыццё, як птушка…” прадстаўлены вершы “Палескай летуценніцы”, у разделе “Тчэцца памяць ніткай суровай…” – літаратура пра жыццё і творчасць паэткі. Запрашаем пазнаёміцца з выстаўнай літаратурай, заўсёды рады бачыць вас у нашай бібліятэцы!