З вытокаў роднай мовы

18 лютага ў Азяцкай сельскай бібліятэцы прайшло падарожжа па старонках роднай мовы “З вытокаў роднай мовы", прысвечанае Міжнароднаму дню роднай мовы, які будзе адзначацца 21 лютага.

Пад час мерапрыемства гучалі вершы Якуба Коласа, Петруся Броўкі, Ніла Гілевіча, Юрася Свіркі і інш.

Дзеці прынялі ўдзел у разгадванні загадак-пытанняў і загадак-жартаў, паўдзельнічалі ў конкурсах: “Дапоўні сказы словамі”, “Назаві адным словам”, “Выправі памылкі”. Напрыканцы сустрэчы праведзена віктарына “Што гэта за героі?”.

Да мерапрымства бібліятэкарам Ірынай Буднік падрыхтавана кніжная выстава “У люстэрку беларускай мастацкай літаратуры : чытаем беларускую кнігу”.