Нарадзіўся 17 чэрвеня 1980 года ў г. Жабінка Брэсцкай вобласці ў сям’і ваеннага. Бацька – Уладзімір Вітальевіч – служыў старэйшым прапаршчыкам у вайсковай часткі 44502, якая забяспечвала прыёмку, захоўванне і выдачу нафтапрадуктаў і лічілася ў савецкі час самай вялікай базай паліва ва Узброеных Сілах СССР. Маці – Ларыса Васільеўна – працавала кандытарам у магазіне «Кулінарыя».

Усе мужчыны ў сям’і Батуляў з годнасцю насілі форму, тата – ваенную, дзядзька – Батуля Аляксандр Вітальевіч, старэйшы прапаршчык – пажарнага, гэта, вядома, паспрыяла і на выбар будучай прафесіі юнага Сашы. Дзядуля – Козіч Васіль Сямёнавіч – працаваў інструктарам Межгаспадарчага апорнага пункта пажарнай аховы калгаса «Беларусь», займаўся пажарна-прафілактычнай работай, многія яго фотаработы з месцаў здарэнняў выкарыстоўваліся як наглядныя дапаможнікі.

Аляксандр Уладзіміравіч пасля заканчэння ў 2000 годзе Салігорскага горна-хімічнага тэхнікума ім. М.Торэза па спецыяльнасці «Пажарная тэхніка і бяспека» размеркаваны пажарным у пажарную аварыйна-выратавальніцкую часць 2-га разрада аб’ектаў Западнага раёна г. Кобрын пажарнага аварыйна-выртавальніцкага атрада г. Кобрын. З 2001 года ён ужо начальнік каравула пажарнага аварыйна-выратавальніцкага атрада г. Жабінка і Жабінкаўскага раёна. Здольнасць лёгка наладжваць зносіны з людзьмі не засталася незаўважанай і ў снежні 2001 года Аляксандра назначаюць на пасаду інспектара прапаганды і навучання інспекцыі дзяржаўнага пажарнага надзору Жабінкаўскага раённага аддзела па надзвычайным сітуацыям, з 2004 года – інспектарам інспекцыі дзяржаўнага пажарнага надзора Жабінкаўскага РАНС.

У 2007 годзе завочна скончыў УА «Гомельскі інжынерны інстытут Міністэрства па надзвычайным сітуацыям Рэспублікі Беларусь» па спецыяльнасці «Прадухіленне і ліквідацыя надзвычайных сітуацый», у 2013 годзе – ДУА «Інстытут перападрыхтоўкі і павышэння кваліфікацыі» МНС Рэспублікі Беларусь па спецыяльнасці «Правазнаўства». У 2014 годзе назначаны старэйшым інжынерам групы арганізацыі функцыянавання дзяржаўнай сістэмы прадухілення і ліквідацыі надзвычайных сітуацый і грамадзянскай абароны Жабінкаўскага РАНС, з 2019 года – намеснік начальніка па ідэалагічнай рабоце і кадраваму забеспячэнню Жабінкаўскага РАНС. У 2021 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія», з 2022 годза – намеснік начальніка Жабінкаўскага РАНС.

Дзякуючы зладжаным, умелым і вывераным дзеянням Аляксандра і яго калег на адным з пажараў у горадзе ўдалося выратаваць жыццё двух малышоў, якія былі пакінуты без дагляду бацькоў і паспеўшых надыхацца прадуктамі гарэння.

У вольны час захапляецца чытаннем і валейболам. Любімыя аўтары – А.С.Пушкін, Ф.М.Дастаеўскі, І.А.Яфрэмаў.

У калекцыі ўзнагарод Аляксандр Уладзіміравіч мае медаль «За бездакорную службу» III ступені (Указ Прэзідэнта Рэспублікі Беларусь № 343 ад 22 верасня 2017 года), Падзяку міністра МНС Рэспублікі Беларусь, якую атрымаў у 2022 годзе.

Жанаты. Жонка Наталля. У сям’і выхоўваецца 2 дзяцей.

Лепшай узнагародай Аляксандр Батуля лічыць удзячнасць людзей: «Калі твая дапамога выратавала нечае жыццё ці зрабіла яго больш шчаслівым – гэта і ёсць самая каштоўная ўзнагарода».