Кніга «Крупчыцы. 1794 год.» прысвечана аднаму з найбольш драматычных момантаў беларускай гісторыі. На падставе шматлікіх крыніц паказаны падзеі лета і восені 1794 года, якія разгортваліся на землях Берасцейшчыны. Тут вырашаўся лёс не толькі нацыянальна-вызвольнага паўстання, узначаленнага Тадэвушам Касцюшкам, не толькі Беларусі і Польшчы, але і ўсёй Еўропы.

У цэнтры апавядання – знакамітая Крупчыцкая бітва, якая адбылася 17 верасня 1794 года на землях сучаснага Жабінкаўскага раёна Берасцейскай вобласці паміж паўстанцкім корпусам генерала Караля Серакоўскага і расійскімі палкамі генерал-аншэфа Аляксандра Суворава.

Апошні раздел кнігі распавядае пра гістарычныя помнікі, якія ўзведзены ў вёсцы Чыжэўшчына (былая Крупчыцы), у напамін пра падзеі, што адбываліся тут у 1794 годзе.

У кнігу уключаны таксама архіўныя дакументы і прозвішчы афіцэраў, які прымалі ўдзел у апісваемых падзеях.

У кнізе аўтар падрабязна разглядае радавод старажытнага славутага роду Касцюшкаў-Сяхновіцкіх, які падарыў свету героя Беларусі, Польшы, ЗША, Ганаровага грамадзяніна Французскай рэспублікі, кіраўніка нацыянальна-вызваленчага паўстання 1794 года генерала Анджея Тадеуша Бонавентуру Костюшку.

Кніга даследчыка прапануе таксама бібліяграфію, у прыватнасці артыкулы з раённых, абласных, рэспубліканскіх газет і часопісаў, прысвечаныя змагару за свабоду, слыннаму сыну зямлі беларускай – Тадэвушу Касцюшку.

Кніга распавядае пра вядомых нараджэнцаў Жабінкаўскага раёна Брэсцкай вобласці, якія сваёй пачэснай працай, шчырай любоўю да Айчыны, нязгасным талентам заслужылі гонар і памяць у нашчадкаў. Перад вачамі чытача пройдзе цэлы шэраг навукоўцаў, змагароў, паэтаў, працаўнікоў і абаронцаў гэтай зямлі. Іх імёны назаўсёды застануцца ў гісторыі нашага краю, у гісторыі Беларусі, а некаторых – і ўсяго свету.

Кніга разлічана на самае шырокае кола чытачоў – жыхароў і гасцей Жабінкаўшчыны, якія жадаюць больш даведацца пра мінуўшчыну “Зямлі пад белымі крыламі”.

Нарыс –любімы журналісцкі жанр Расціслава Бензерука. Звыш сарака гадоў ён сустракаўся з цікавымі героямі, што жылі на Жабінкаўшчыне, пісаў пра іх. У кнізе “Прытулык для душы” сабраны нарысы пра незвычайны, часамі цяжкі, лёс людзей.

Кніга адрасавана шырокаму колу чытачоў.