Дзень беларускага пісьменства і друку

4 верасня ў Ракітніцкай сельскай бібліятэцы прайшла тэматычная гульня-квіз «Радзіма мая – я часцінка твая» да Дня беларускай пісьменнасці, які традыцыйна адзначаецца ў першую нядзелю гэтага месяца. На мерапрыемстве прысутнічалі дзеці  і іх бацькі.

Класічны квіз уключаў у сябе сем раундаў па сем пытанняў:  “Мой народ”, “Людзі. Падзеі. Факты”, “Міфы Беларусі”, “Беларускія святы, абрады”, “Жывёлы”, “Рэкі і азёры”, “Гарады”.

Да мерапрыемства падрыхтаваны кніжныя выставы “Из родной Беларуси я встречаю зарю, всем мальчишкам, девочкам “Добры дзень!” говорю” і “Мастацтва кнігі”. На апошняй былі прадстаўлены творы лепшых беларускіх пісьменнікаў: Я.Купалы, Я.Коласа, Ф.Багушэвіча, М.Багдановіча, В.Быкава, І.Шамякіна, А.Бадака, М.Чаргінца.

Мерапрыемства праходзіла ў святочнай абстаноўцы пад прыемныя беларускія мелодыі. Удзельнікі маглі не толькі добра правесці вольны час, пазнаёміцца з гісторыей свята, але і пачаставацца пірагамі з кубачкам мядовай гарбаты і какао.