Сэрцам да подзвігу я дакрануся…

24 студзеня бібліятэкар Мацеевіцкай сельскай бібліятэкі Ганна Асокіна правяла ў Мацеевіцкай базавай школе для навучэнцаў 9-га класа літаратурную сустрэчу “Сэрцам да подзвігу я дакрануся”, прымеркаваную да 110-годдзя Аркадзя Куляшова.

Ганна Мікалаеўна распавяла пра жыццёвы і творчы шлях паэта, прагучалі яго вершы. Мерапрыемства аздобіла відэапрэзентацыя, падрыхтаваная бібліятэкарам. Вучні абмеркавалі пачутае і ўбачанае, адказалі на пытанні вядучай.