Свята паэзіі ў Дзень ведаў

1 верасня ў чытальнай зале Жабінкаўскай цэнтральнай раённай бібліятэкі адбылося свята паэзіі “Сплятаючы творчасці вянок”, прысвечанае 140-годдзю з дня нараджэння Янкі Купалы і Якуба Коласа.

На мерапрыемстве прысутнічалі вучні 9-х классаў 1-й і 3-й сярэдніх гарадскіх школ разам са сваімі класнымі кіраўніцамі, настаўніцамі беларускай мовы і літаратуры, Таццянай Мікалаеўнай Галавейка і Марынай Аляксандраўнай Мядзведзь.

Свята распачалі ўрачыстыя строкі верша П.Броўкі “Беларусь” у выкананні вучня 10 “Б” класса 3-й школы Дзмітрука Усевалада. Пад мілагучны напеў фальклорнай группы “Стары Ольса” вядучыя, бібліятэкаркі Марыя Пратасюк і Алеся Рамановіч, павіталіся з гасцямі і распачалі гаворку аб славутых песнярах Беларусі. Цікавыя факты з біяграфіяў Купалы і Коласа суправаджаліся прэзентацыяй і вершамі паэтаў.

Прысутныя з задавальненнем слухалі пакладзенныя на музыку знаёмыя строкі ў выкананні беларускіх спевакоў, а тэатральная імпрэза – урывак з камедыі “Паўлінка” Я. Купалы (Альжбэта Крыніцкая – Галіна Дулевіч, Сцяпан Крыніцкі – Вячаслаў Фядотаў) – сарвала бурныя апладысменты гледачоў.

З хваляваннем выслухалі прысутныя трапяткія словы “Запавета” Якуба Коласа (у ролі Я.Коласа – Вячаслаў Фядотаў), якімі завяршылася свята паэзіі.

Да мерапрыемства афармлена кніжная выстава “Яны і сёння з намі, нашы песняры”.