Свята вёскі Дзяменічы

13 жніўня ў Дзямінічах прайшло Свята вёскі, прымеркаванае да яе 530-годдзя.

Бібліятэкар Хмелеўскай сельскай бібліятэкі Ала Мікуц падрыхтавала прэзентацыю “Краязнаўчая скарбонка”, на якой прадстаўлены папкі-назапашвальнікі: “Хмелеўская Спаса-Праабражэнская царква”, “Запаветы Ільіча”, “СВК “Хмелева”, “Германовіч Маркіян Якаўлевіч” і інш., а таксама краязнаўчая выдавецкая прадукцыя: зборнік мясцовага дыялекта “Хмэлёвськы заколОты”, літаратурна-мастацкі зборнік “Таямніцы роднага краю: легенды і паданні Жабінкаўшчыны” і зборнік вершаў “Выбор дорогы” Міцькі Хутарскога, дапаможнік аб воінах-земляках “Яна змагаліся за Пабеду”, бібліяграфічны паказальнік “Хмелеўская Спаса-Праабражэнская царква”.

Мясцовыя жыхары знаёміліся з прадстаўленымі матэрыяламі і актыўна абмяркоўвалі з бібліятэкарам цікавыя факты гісторыі свайго краю. Асаблівую цікавасць выклікала асоба Маркіяна Германовіча – знакамітага аднавяскоўца.