Таямніцы родных слоў

23 лютага бібліятэкар Ленінскай сельскай бібліятэкі Марыя Галаўчук правяла для вучняў 8 класа ДУА «Ленінская сярэдняя школа» інтэлектуальна-пазнавальную гадзіну «Таямніцы родных слоў», прысвечаную Міжнароднаму дню роднай мовы.

Прысутныя даведаліся, чаму менавіта дата 21 лютага абвешчана UNESCO Днём роднай мовы. 

Прыгожа і эмацыянальна прагучаў верш Ігара Пракаповіча «Пагавары са мной на мове роднай» у выкананні вучаніц Казловай Ганны і Кавылінай Дар’і. Увагу ў прысутных выклікалі 10 цікавых фактаў аб роднай мове.

Другая палова мерапрыемтсва прайшла ў форме конкурсаў паміж трох каманд. Спаборнічалі ў заданнях: «Размінка», «Перакладчыкі», «Шчодрасць слова», «Загадкавы свет фразеалогіі», «Мудрыя словы», «Ветлівыя словы», «Падумай і адкажы».

Да мерапрыемства падрыхтавана аднайменная кніжная выстава.