Пад такой назвай 9 верасня адкрылася кніжная выстава ў чытальнай зале цэнтральнай раённай бібліятэкі.
17 верасня Беларусь святкуе Дзень народнага адзінства. Што стаіць за гэтай датай? У чым каштоўныя падзеі таго часу для сённяшняй суверэннай Беларусі? Хто паўстаў супраць несправядлівасці? Што давялося перажыць беларускім патрыётам?
Адказы на гэтыя і іншыя пытанні вы зможаце знайсці, пазнаёміўшыся з матэрыяламі экспазіцыі.
На выставе прадстаўлены зборнікі архіўных дакументаў, прысвечаных падзеям 1921-1939 гадоў, з калекцый Нацыянальнага архіва Рэспублікі Беларусь, Цэнтральнага архіва Камітэта дзяржаўнай бяспекі Рэспублікі Беларусь, Дзяржаўнага архіва Брэсцкай вобласці і інш.
Як вядома, у 1923 годзе была створана Камуністычная партыя Заходняй Беларусі, мэтай якой стала самавызначэнне Заходняй Беларусі і аб'яднанне яе з БССР. Члены партыі, сярод якіх нямала і нашых землякоў, сталі на шлях барацьбы за вызваленне народа роднага краю ад нацыянальнага і сацыяльнага прыгнёту. На выставе вы знойдзеце інфармацыю аб дзейнасці камуністаў-падпольшчыкаў Жабінкаўшчыны, Брэсцкай падпольнай друкарні КПЗБ, якая дзейнічала дзякуючы ўраджэнцу в. Рачкі Івану Валошку, а таксама пра дэлегатаў-землякоў на першы народны сход Заходняй Беларусі, які адбыўся ў 1939 годзе.
У наведвальнікаў бібліятэкі ёсць магчымасць пагартаць фотаальбом, у якім размешчаны цікавыя арыгінальныя фотаздымкі і паштоўкі канца ХІХ-пачатку ХХ стагоддзяў з калекцыі беларускага гісторыка Уладзіміра Ліхадзедава, якія наглядна расказваюць пра палітычныя падзеі таго часу і пра жыццё простых людзей Заходняй Беларусі.
Для аматараў мастацкага слова прапануюцца паэзія, проза і публіцыстыка беларускіх аўтараў, якія вобразна і дакладна адлюстравалі той гістарычны час і сённяшні дзень роднай Беларусі.
Выстава працягнецца да 20 верасня, з радасцю чакаем вас!
Раённая бібліятэка знаходзіцца па адрасу: г. Жабінка, вул. Савецкая, 8 а. Часы працы: панядзелак-чацвер, субота, нядзеля з 10.00 да 14.00 і з 15.00 да 19.00.
Год мира и созидания
